...paano simulan?

hindi ko alam kung paano sisimulan ang sulat na dapat kong gawin ngayong gabi...

siguro natatakot lang akong ilagay sa sulat ang katotohanan. katotohanang dapat sabihin sa taong makakatulong sa akin. paano ko sisimulan kung ang sulat na dapat kong gagawin ang siyang makakatulong sa akin para magkaroon ng kaalaman ang taong makakatulong sa akin. siya na lamang ang nag-iisang tao na kailangan ko ngayon para sa problema namin. hindi naman sa siya lang talaga kundi siya lang ang kilala ko para makatulong sa akin. sana pumayag siyang tulungan ako...

sa pamamagitan ng sulat na gagawin ko, sana'y ito ang isa sa mga paraan para matulungan akong malutas ang aking problema sa buhay. kahit sabihin nating isa itong pagsubk kung sa akin naman ay hindi ko pa kayang itayo ang sarili ko ng lubos. sana'y gabayan ako ng Poong Maykapal para magkaroon ng kaisipan kung paano simulan ang aking inaasam na sulat para sa isang taong puwedeng makatulong sa akin.

hindi ko man nilalagay sa kanyang mga kamay ang aking kapakanan ngayon, binibigay ko naman sa kanya ang aking tiwala para ako'y kanyang matulungan.